नेपालगंन्ज
नेपालगन्ज म्याराथनका संस्थापक टीएस ठकुरी फेडरेसन इन्टरनेसनल सिनेमा टेलिभिजन स्पोर्ट्स (फिक्ट्स)को नेपाल प्रतिनिधिमा नियुक्त भएका छन् ।
ठकुरीलाई नेपालमा खेलकुद संस्कृतिको प्रवद्र्धनमा कार्य गर्न इटलीको मिलानोमा हेडक्वार्टर रहेको फिक्ट्सको बोर्ड बैठकले नियुक्त गरेको हो ।
अन्तर्राष्ट्रिय ओलम्पिक कमिटी(आइओसी)बाट मान्यताप्राप्त फिक्ट्सले खेलकुदको मुल्य मान्यता एवं ओलम्पिक र प्याराओलम्पिक गेम्सको सामाजिक सांस्कृतिक महत्वलाई प्रवद्र्धन गर्दछ । फिक्ट्समा एक सय ३० सदस्य राष्ट्र छन् ।
त्यसैगरी पाँच महादेशका विभिन्न देशमा बीस वटा अन्तर्राष्ट्रिय स्पोटर््स फिल्म फेस्टिभल आयोजना हुने गर्दछन् । मुख्य फिल्म फेस्टिभल भने हरेक बर्ष मिलानोमै हुने गर्दछ ।
नेपालबाट केही बर्ष अघि खेलपत्रकार टीएस ठकुरी र पत्रकार जनक नेपालद्वारा निर्देशित डकुमेन्ट्री ‘प्लेयर सिटी’ (खेलाडीको सहर) मिलानोमा चयन भइ प्रदर्शन भएको थियो ।
फिक्ट्सका अन्तर्राष्ट्रिय अध्यक्ष प्रोफेसर फ्रान्को अस्कानी र महासचिव डा. इन्जो क्यापिएलोद्वारा हस्ताक्षरित पत्र भर्खरै प्राप्त गरेको ठकुरीले बताए । ’‘फिक्ट्ससँगको आवद्धतासँगै नेपाललाई विभिन्न विधामार्फत अन्तर्राष्ट्रियकरण गर्न सघाउनेछ, यसले नेपालको खेलकुद र पर्यटन प्रवद्र्धनका क्षेत्रमा उल्लेखनीय टेवा पुग्नेछ ।’
ठकुरीले भने–‘फिक्ट्सले खेलकुदसम्बन्धि सिनेमा, वृत्तचित्र, टेलिभिजन फुटेज, खेलकुद फोटो, आलेखलाई पुरस्कृत गरी खेल संस्कृतिको प्रवद्र्धनमा जोड दिनेगर्दछ, हामीले पनि फिल्म फेस्टिभल र अवार्ड समारोह आयोजनामार्फत खेल संस्कृति प्रवद्र्धन गर्दै विश्वव्यापी सञ्जालसँग जोडिने अवसर प्राप्त गरेका छौं ।’
नेपालमा फिक्ट्स सम्बद्ध फेस्टिभल लगायत गतिविधि गर्न आफुलाई अधिकार प्रत्यायोजन गरेकोमा फिक्ट्सका अन्तर्राष्ट्रिय अध्यक्ष प्रो फ्रान्को अस्कानीका साथै फिक्ट्स परिवारप्रति खेल पत्रकार ठकुरीले आभार प्रकट गरेका छन् ।
नेपालगन्ज म्याराथनका संस्थापक ठकुरी भर्खरै भियतनामको होचिमिन्हमा आयोजित तीन दिने आठौं मास पार्टिसिपेसन वल्र्ड(एमपीडब्ल्यु) कन्फ्रेन्समा भाग लिइ नेपाल फर्किएका छन् । यस कन्फ्रेन्समा नेपालबाट ठकुरीले पहिलोपटक भाग लिएका हुन् ।
यसअघि गत फेब्रुअरीमा जापानको ओसाकामा भएको एसोसियसन अफ इन्टरनेसनल म्याराथन एण्ड डिस्टेन्स रेश(एम्स)को २३औं वल्र्ड कंग्रेसमा पनि नेपालबाट नेपालगन्ज म्याराथनले पहिलोपटक भाग लिंदा ठकुरीले नै प्रतिनिधित्व गरेका थिए । एम्सको सदस्यता लिने नेपालगन्ज म्याराथन नेपालबाट पहिलो हो ।
नेपालगन्ज म्याराथनले यही मंसिर ९ गते नवौं संस्करण सम्पन्न गरेको छ । नवौं संस्करणको धारा नेपालगन्ज म्याराथनमा एपीएफ क्लबका गोपीचन्द्र पार्की र धादिङकी सन्तोषी श्रेष्ठ हाफ म्याराथनतर्फ च्याम्पियन बनेका थिए ।
